Ralf Rangnik ka shijuar sot humbjen e parë si trajner i Mançester Junajtid dhe padyshim nuk do të jetë shumë i kënaqur me mënyrën se si skuadra e tij filloi vitin. “Djajtë e kuq” ishin pretendentë në duelin ndaj Ullvërhempton, por dolën kokulur nga fusha e lojës pasi kundërshtarët thyen një tabu duke fituar pas më shumë se 40 vitesh përsëri në “Old Trafford”.
De Gea evitoi një gol të sigurt të Neves në pjesën e parë të sfidës, ndërsa më pas u desh të bënte edhe disa pritje të tjera që të ruante rrjetën të paprekur para pushimit të sfidës.
Pjesa e dytë pa Mançester Junajtid më në formë, duke iu afruar golit me anë të Matiç i cili goditi traversën. Ronaldo gjeti rrjetën, por goli i tij u anulua për pozicion jashtë loje, ndërsa më pas e kishin radhën miqtë të goditnin shtyllën me goditjen e dënimit të Sais.
Gjithçka ishte në barazi deri kur Mutinjo përfitoi nga një top i humbur para zonës kundërshtare dhe lëshoi një gjuajtje të pakapshme që i dha tre pikët Ullvërhemptonit dhe vazhdon të largojë Mançester Junajtid nga zona Champions
