Ish-mesfushori i Arsenal, Aleks Song, në një intervistë për shtyp ka treguar për transferimin e tij drejt Barcelonës, të cilin e mbajti kamerunasin për një kohë të gjatë në stol.
Song u shpreh se kishte bërë një premtim që një ditë do të luante krah Çavit, Iniestës dhe Lionel Mesit. “Kur Barcelona më ofroi mua një kontratë dhe pash se sa shumë do të fitoja nuk e mendova dy herë. Ndjeja se bashkëshortja dhe fëmijët e mi duhet të kishin një jetë të mirë pasi karriera ime të përfundonte” tha 34-vjeçari.
“Takova drejtorin e Barcelonës dhe ai më tha se nuk do të kisha mundësi të luaja shumë, por mu as më plasi tr**i. Nga ai moment e dija që do të bëhesha një milioner. Mund të bëja ç’të doja dhe t’ia kaloja bukur sa herë doja” përfundoi Song.
