As në ëndrrën më të çmendur nuk mund ta kishte imagjinuar këtë debutim! Dushan Vlahoviçit, I mjaftuan vetëm 32 sekonda në Ligën e Kampionëve, për të tundur rrjetën.
Sulmuesi serb i dhuroi avantazhin e përkohëshëm bardhezinjve, në barazimin 1-1 ndaj Vijarealit. Një rezultat ky që duket se më së shumti kënaqi bardhezinjtë e Alegrit, teksa fatet e kualifikimit do të vendosen në Torino në ndeshjen e kthimit.
Golin për spanjollët e realizoi Parejo, në minutën e 66-të, pas një aksioni fantastik. Për sa i përket ndeshjes, Vijareali u shfaq më përkues në fushë, duke krijuar më shumë raste të rrezikshme shënimi, madje arritën të godisnin dhe shtyllën.
