Shpresa është zbehur me kalimin e ditëve, si një tullumbace e shpuar që shfryhet me kalimin e kohës, derisa bëhet e papërdorshme. Edhe nëse Pioli nuk e ka publikuar ende listën e skuadrës për derbin, e cila do të zbulohet nesër në mëngjes, nuk ka më dyshime: Ibrahimovic do ta humbasë sfidën ndaj Interit. Plotësisht, nuk do të jetë as në stol.
Zlatan do të shkojë vetëm si spektator në “San Siro”, sepse inflamacioni i tendinës së Akilit jo vetëm nuk është larguar, por as është qetësuar. Kursi është i ngjashëm me atë të herës së mëparshme, e njëjta diagnozë, por këmbë e ndryshme, me Zlatanin që kishte qëndruar pa luajtur një muaj.
Në këtë pikë duket se përjashtohet prania sërish e suedezit të mërkurën e ardhshme në Kupën e Italisë ndaj Lazio. Kjo do të thotë angazhim total për Giroud, pasi problemet mjekësore po përfshijnë edhe Rebic. Javët kalojnë, muajt kalojnë dhe infermieria vazhdon të jetë shqetësimi më i madh në shtëpinë e kuqezinjve.
