Merkatoja është shumë e paparashikueshme dhe emocionuese deri në momentin që hidhet firma. Madje ndodh që lojtarët të mos firmosin sepse nuk kalojnë testet mjekësore. Një rast i tillë ka ndodhur në Turqi.
Girensunspor, klub që ka në pronësi mesfushorin e Partizanit, Esat Mala ka raportuar një rast të çuditshëm. Klubi turk kishte afruar nga Gremio mesfushorin brazilian Zhan Pierr. 23 vjeçari erdhi si huazim deri në qershor të vitit 2023. Megjithatë gjatë testeve mjekësore u zbulua se lojtari kishte kancer në organin gjenital.
Si rrjedhojë, klubi turk ndërpreu marrëveshjen me të dhe Pierr u rikthye në Brazil për të marrë ndihmën e nevojshme.
