Lyon po planifikon rikthimin e madh për sulmin. Këtë e ka konfirmuar vetë presidenti i klubit, Jean-Michel Aulas, me deklaratat e bëra në orët e fundit.
“Lacazette (kontrata me Arsenal-in i skadon në qershor) na intereson për atë që ka përfaqësuar, kemi ruajtur kontaktet dhe po e ndjekim”, ka thënë numri një i Lyon.
“Do të bëjmë çdo sforcim të mundshëm, sigurisht është më e lehtë të marrim Lacazette se Benzema”.
30-vjeçari ka luajtur për shtatë vite në Francë me Lyon, nga viti 2010-të deri në vitin 2017-të, para se të transferohej tek Arsenal-i për 53 milionë euro.