Fundjava që sapo lamë pas ka qenë pozitive për lojtarët shqiptarë në Europë. Faqja e mirënjohur e statistikave “Sofa Score”, ka bërë vlerësimet e legjionarëve.
I pari në këtë klasifikim është renditur Lindon Selahi, i cili është vlerësuar me notën 7,8 nga ku ka shkëlqyer me gol në ndeshjen ndaj Shibenikut.
I dyti është renditur Denis Simani, i cili vlerësohet me notën 7,4 nga ku ka kryer një paraqitje të kënaqshme me fanellën e skuadrës së Luzernës.
I treti klasifikohet, sulmuesi i Kombëtares shqiptare, Sokol Cikalleshi, i cili është vlerësuar me notën 7,4 ku ka mundur të realizojë në frymën e fundit me penallti me Koniasporin e tij ndaj Kashipashasë.
I katërti renditet Dejvi Bregu, i cili është vlerësuar me notën 7,3, ku ka shkëlqyer me paraqitjen e tij me fanellën e Bolusporit.
I pesti klasifikohet mesfushori i Kombëtares shqiptare, Klaus Gjasula, i cili është vlerësuar me notën 7,2, ku me Darmshtadin e tij ka zhvilluar një paraqitje të mirë.
VLERËSIMET E LEGJIONARËVE, SIPAS FAQES SË STATISTIKAVE “SOFA SCORE”