Një situatë e pazakontë ka ndodhur në futbollin bullgar dhe aq më tepër në një sfidë derbi, ku portieri pësoi një dëmtim të rëndë.
Stafi mjekësor u fut menjëherë në fushë dhe u pa se duhej dhe ndihma e ambulancës për ta nxjerrë jashtë fushës portierin, por kjo e fundit nuk bëri ndonjë ndihmë të madhe.
Në momentet kur stafi mjekësor ishte gati për të futur lojtarin në ambulancë, dera e saj nuk po hapej. Edhe lojtarët e tjerë në fushë u munduan të hapnin derën e ambulancës, por më kotë.
Kjo skenë zgjati për disa minuta, deri sa pas shumë goditjeve që i dhanë, dera u hap dhe portieri u largua nga fusha. Pas kësaj loja startoi sërish.
