Alvaro Morata ishte sulmuesi i përzgjedhur nga trajneri i Barcelonës, Ksavi Hernandez, për merkaton e dimrit.
Sulmuesi i Juventusit i përshtatej karakteristikave të lojtarit që dëshironte Ksavi, por pengesat nga italianët bënë që marrëveshja të mos konkretizohej. Madje, agjenti i sulmuesit foli dhe me Atletikon e Madridit pa mundur të gjejë një marrëveshje.
Ndërkohë, sipas “Sport”, Morata i ka shfaqur dëshirën e vet Barcelonës për t’iu bashkuar këtij ekipi në merkaton e verës. Morata është i bindur në projektin e Ksavit dhe dëshiron të jetë pjesë e tij. Gjithnjë sipas “Sport”, për spanjollin flitet për një kontratë të ngjashme me atë të Obamejangut, pra deri në vitin 2025.