Interi ka arritur të barazojë 1-1 në stadiumin “Diego Armando Maradona” ndaj Napolit, ku fillimisht realizoi me penallti Insinje në minutën e 7′ dhe më pas baraspeshën e riktheu sulmuesi zikaltër, Edin Xheko në minutën e 47′.
Sipas faqes së statistikave “OPTA Paolo”, Edin Xheko që prej mbërritjes së tij në Serinë A italiane në sezonin 2015/2016 i ka shënuar 5 gola Napolit në kampionat, vetëm Çiro Imobile ka bërë më mirë gjatë kësaj periudhe duke i realizuar 6 gola.
Një statistikë e veçantë kjo për bomberin boshnjak, i cili duket se skuadrën napoletane e ka “viktimën e preferuar”.
Gjatë këtij sezoni me fanellën e Interit në Serinë A, 35-vjeçari është aktivizuar në total në 23 ndeshje duke e tundur rrjetën 10 herë dhe duke i shërbyer shokëve të skuadrës me asist, tre herë.
5 – Dal suo arrivo in Italia nel 2015/16, Edin #Dzeko ha segnato cinque gol contro il Napoli in Serie A, solamente Ciro Immobile (sei) ne conta di più nel periodo. Cecchino.#NapoliInter #SerieA pic.twitter.com/4bPjlC4v18
— OptaPaolo 🏆 (@OptaPaolo) February 12, 2022
