Sulmi i Bolusporit foli i gjithi shqip në duelin e ditës së sotme ndaj Kocaelispor. Bregu, Roshi dhe Balaj, u aktivizuan titullarë në triumfin 1-2 që skuadra e shqiptarëve arriti të transfertë ndaj Kocaelispor, në ndeshjen debutuese të shkodranit Balaj.
Në këtë duel mungoi gardiani Selamani, i cili nuk ishte në dispozicion. Një 3 pikësh i artë ky për Bolusporin, që këtë sezon lufton për mbijetesë.
Vlen të theksohet fakti se të 3 futbollistët shqiptarë kanë bërë një paraqitje dinjitoze, edhe pse nuk arritën të gjenin rrugën e rrjetës, ata kontribuuan jo pak me performancën e tyrë.
Roshi u aktivua gjatë gjithë duelit, ndërkohë që Bregu dhe Balaj u zëvendësuan respektivisht në minutat 68 dhe 85-të.
Vlonjati Bregu, duket se nuk e priti mirë vendimin e trajnerit për t’u zëvendësuar në minutën e 68-të, duke shpërthyer në momentin e ndërrimit. 26-vjeçari goditi me shkelm tabelën e reklamave në shenjë revolte për këtë vendim.
Për sa i përket Roshit, fieraku ishte protagonist absolut në pjesën e dytë, ku dha një asist fantastik për një prej shokëve të skuadrës, që goditi traversën teksa shifrat ishin 1-2: