Përveç personaliteteve të famshëm në botën e futbollit, edhe vetë motra e Emiliano Sala, Romina, i ka shfrytëzuar rrjetet sociale për ta shprehur pikëllimin për vdekjen e vëllait të saj.
“Shpirti yt do të shndritë në shpirtin tim përgjithmonë, duke më ndriçuar për aq sa ekzistoj. Të dua, tito”, shkruan Romina në llogarinë e saj në Instagram.
“Piper Malibu”, lloji i aeroplanit të fundosur në det, u zhduk mbrëmjen e 21 janarit, teksa me të po udhëtonte nga Nanta për në Kardif sulmuesi argjentinas dhe piloti David Ibbotson.
Nga kërkimet u gjet dhe u nxorr një nga trupat, i cili është konfirmuar se është i Emiliano Sala.
Pas këtij lajmi, në rrjetet sociale janë publikuar mesazhe të shumta pikëllimi dhe ngushëllimi.
