FSHF ka planifikuar paraprakisht që java e 22-të e Kategorisë Superiore të luhet të premten dhe të shtunën, me sfida shumë interesante të cilat me siguri do të tërheqin vëmendjen e publikut për mënyrën se si renditen skuadrat në kampionat.
Java hapet me ndeshjen në Korçë mes Skënderbeut dhe Vllaznisë ditën e premte, ndërsa më pas në darkë luhet edhe një duel shumë interesant siç është derbi i kryeqytetit mes Dinamos dhe Partizanit. Të dy skuadrat luajnë tashmë për objektiva të ndryshëm, por për të dyja kjo ndeshje është shumë e rëndësishme pasi duan me çdo kusht të përforcojnë pozitat e tyre në klasifikim.
Ndërkohë, të shtunën luhet në drekë dueli direkt për mbijetesë mes Egnatias dhe Kastriotit, duke i lënë vend më pas dy sfidave shumë të ndezura. Njëra është ajo mes Kukësit dhe Teutës, ndërsa tjetra është sfida që do të vendosë kreun e renditjes, pasi përballen Tirana me Laçin, të cilat ndahen nga vetëm 3 pikë në klasifikim.
KALENDARI
Të premten, 25.02.2022
Skënderbeu-Vllaznia 16:45
Dinamo-Partizani 19:45
Të shtunën, 26.02.2022
Egnatia-Kastrioti 13:45
Tirana-Laçi 16:45
Kukësi-Teuta 16:45
