Interi kërkon që të lërë pas derbin e humbur në përmbysje ndaj Milanit, teksa e nesërmja është koha për analiza.
Dyshja sulmuese e Interit e formuar nga Edin Xheko dhe Lautaro Martinez nuk po funksionon dhe zikaltërit po mësohen shumë të bëjnë pa golat e sulmuesve të tyre.
Në kuptimin e realizimit, çifti sulmues tani lë shumë për të dëshiruar, aq sa për të gjetur një gol nga të dy në të njëjtën ndeshje duhet të rikthehemi pas në kohë, kur hera e fundit daton para katër muajsh, që nga 2 tetori i kaluar, ndeshja Sasuolo-Inter, në “MAPEI Stadium”, ku fillimisht boshnjaku dhe më pas argjentinasi me penallti vendosën sfidën duke rikuperuar disavantazhin ndaj skuadrës emiliane.
