Robert Levandovski ka rënë dakord për një kontratë individuale me Barcelonën. “Sipas informacioneve tona, ylli i Bajernit ka negociuar një kontratë shumëmilionëshe 3-vjeçare. Sulmuesi i kombëtares polake mund të shkojë në Spanjë gjatë verës”, shkruan e përditshmja sportive.
Robert Levandovski mund të bëhet lojtar i Barcelonës këtë vit! Përveç Barçës, me Levën po negociojnë edhe PSG-ja, Mançester Siti dhe Liverpuli.
KONTRATË 3-VJEÇARE Të hënën, faqja e internetit “Sport.tvp.pl” informoi se Levandovski kishte arritur një marrëveshje me klubin spanjoll. Ky lajm i bujshëm u ka dhënë besim thashethemeve që qarkullojnë prej disa kohësh.
Siç konfirmohet nga “Interia”, çështjet e një kontrate individuale me klubin e famshëm spanjoll në fakt tashmë janë vendosur. Ajo ishte menduar të zhvillohej në fund të marsit.
“Sipas informacioneve tona, Leva do të niste një kontratë me Barcelonën për tri sezonet e ardhshme dhe largimi i tij nga Bajerni duket real me lojtarin që mësohet t’u ketë komunikuar drejtuesve largimin”, shkruajnë mediat polake.
A DO TA LËRË BAJERNI POLAKUN TË LARGOHET? – A do të thotë kjo se sulmuesi do të luajë në “Camp Nou” këtë verë? Ai ka një kontratë me Bajernin për më shumë se një vit, deri në qershor 2023.
Në vitet e mëparshme, gjermanët nuk ishin të interesuar për negociata, ndër të tjera, me Real Madridin, i cili tentoi disa herë ta sillte polakun në Spanjë. Tashmë shanset për një transferim janë shumë më të mëdha dhe ka mundësi që drejtuesit e Bajernit të pranojnë largimin e parakohshëm të lojtarit.
Në të njëjtën kohë, topi është në anën e tyre dhe nëse ata këmbëngulin, ata mund ta pengojnë 33-vjeçarin të largohet.
OFERTA EDHE NGA PSG-JA, SITI DHE LIVERPULI – Pse Levandovski zgjodhi Barcelonën? Sipas “Interia”, ishte më i miri nga pak propozimet që kishte marrë së fundmi.
Ka pasur edhe takime me klube të tjera si PSG-ja, Liverpuli dhe Siti. Por agjenti i lojtarit, i njohuri Pini Zahavi, ka preferuar katalanasit pasi këta të fundit mendohet të kenë kënaqur më shumë dëshirat financiare të polakut.
