E pabesueshme ajo që ndodhi në Brazil në kampionatin shtetëror të Espirito Santo. Anësorja, Marsieli Neto, mori një goditje me kokë nga trajneri i Desportiva Ferroviaria, Rafael Soriano.
Gjithçka ndodhi në pjesën e parë kur skuadrat ishin në rezultatin e barabartë 1-1.
Arbitri vërshëlleu për mbylljen e pjesës së parë në minutën e 54-të, por në atë moment Soriano hyri në fushë për të protestuar ndaj kryesorit, sepse ai nuk priti që ekipi i tij të ekzekutonte një goditje këndi.
Arbitri e përjashtoi menjëherë Sorianon, por me daljen nga fusha trajneri e kërcënoi sërish anësoren:
“Nëse thua se të sulmova, do të shkojmë në polici.”, më pas trajneri në një intervistë për mediat vendase deklaroi: “Ajo është duke përfituar nga situata sepse është femër, ka shtyrë lojtarët dhe tani thotë që e sulmuara është ajo.”, përfundoi tekniku i Desportiva Ferroviarias, Rafael Soriano.
