Në kampin e Interit mbizotëron humori duke parë sukseset e njëpasnjëshme si në kampionat, por edhe në Kupën e Italisë, ku ndeshjen e fundit skuadra e Simone Inzagit u kualifikua në finale duke triumfuar ndaj Milanit në derbi me rezultatin 3-0.
Së fundmi ka qenë mesfushori turk, Hakan Çalhanoglu, i cili i ka bërë një shaka holandezit, Denzel Dumfrisit duke e trembur për “vdekje” gjatë grumbullimit në një hotel.
Anësori i Interit mbetet i shtangur dhe e merr me humor, ndërsa Çalhanoglu nuk ndalet së qeshuri.
Kjo video është publikuar nga 28-vjeçari turk në “Story” të profilit të tij në rrjetin social “Instagram”, ku menjëherë u bë virale.