Mbrojtësi austriak i Realit të Madridit, David Alaba, fitoi Champions-in për të tretën herë në karrierën e tij, pas dy të mëparshmëve që kishte me Bajernin dhe asaj të mbrëmjes së kaluar më Realin përballë Liverpulit.
Gjatë festës së triumfit, ai së bashku me shokun e tij të repartit, Eder Militao, iu kthyen festimit të famshëm me karrige, gjë që mesa duket është kthyer në një traditë për austriakun.
Në një video të postuar nga vetë Reali i Madridit në Instagram, Militao shihet teksa vjen drejt Alabas me një karrige dhe të dy bashkë e ngrenë atë si një trofe, ku shkruan “Historai e dashurisë e sezonit”.
Ky festim u bë viral kur Reali i Madridit arriti të triumfonte me përmbysje përballë PSG-së në fazën e 1/8-ve të këtij kompeticioni, gjë që u përsërit sërish dhe kur “Galaktikët” triumfuan në La Liga.
