Mes Barcelonës dhe Mançester Junajtidit është arritur më në fund akordi për transferimin e Frenki de Jongut në “Old Trafford”.
Por është vetë mesfushori holandez, i cili po bllokon transferimin e tij. Katalanasit dhe Mançester Junajtid arritën marrëveshjen për shifrën e 63 milionë paundëve dhe 8.4 milionë bonuset.
Por lojtari nuk është dakord të largohet, edhe pse klubi e ka njoftuar se nëse dëshiron të qëndrojë, ai duhet të ulë 40% rrogën (me 5 milionë paund).
Ish-ylli i Ajaksit nuk është “Ok” për këtë dhe situata nga precipituar në një luftë totale.
Sipas gazetës katalanase “Sport”, klubi i ka lëshuar një ultimatum se ka arritur marrëveshjen e shitjes së tij te Junajtid dhe ai duhet të largohet menjëherë. 25-vjeçari është objektivi kryesor i trajnerit Erik ten Hag për mesfushën.
