Më në fund, Alesio Romanjoli, ka realizuar ëndrrën për të luajtur me ekipin e zemrës.
Ish-kapiteni i Milanit, falë këmbënguljes së drejtorit sportiv, Igli Tare, tashmë është zyrtarisht një lacial, ndonëse këtë “fe” i është dashur që ta mbajë gjithmonë të fshehtë, duke qenë se si për ironi të fatit është rritur në radhët e të rinjve të Romës dhe nga aty fitoi arenën e rëndësishme.
Gjithsesi, pas 7 vitesh në ngjyrat kuqezi dhe ku mundi që të fitojë edhe shiritin e kapitenit, shqiptari Tare bëri të mundur që ta afronte në spondën e kaltër të kryeqytetit, me parametër zero, ndonëse për Romanjolin ishin në garë Juventusi, disa klube angleze, por prej kohësh mbahej nën vëzhgim edhe nga Barcelona.
Gjithsesi, nga dje 27-vjeçari Alesio Romanjoli është zyrtarisht një mbrojtës i Lacios, duke firmosur një kontratë prej 3.5 milionë eurosh në sezon, deri në vitin 2027.
Ardhja e tij ka ekzaltuar edhe tifozët e shumtë që e pritën në qendrën stërvitore, që e kanë bombarduar me komplimenta: “Je Bekenbaueri i Lacios”.
Alessio è tornato a casa 💙#CMonEagles 🦅 pic.twitter.com/h7u6gxnCnX
— S.S.Lazio (@OfficialSSLazio) July 13, 2022
