Çelsit i është ofruar mundësia për të transferuar Nejmarin nga PSG-ja gjatë orëve të fundit përpara mbylljes së merkatos.
Tomas Tuhel kërkon një sulmues për të kompletuar skuadrën e tij dhe Nejmar është përfolur edhe në të shkuarën se u është ofruar bluve bashkë me Kristiano Ronaldon.
Kampionët e Francës janë të hapur për ta shitur brazilianin, por është shumë e vështirë që të arrihet një marrëveshje përpara mbylljes së merkatos së kësaj vere.
Blutë morën përgjigje negative këto orë edhe nga Evertoni, për transferimin e talentit Gordon. Por sipas “The Times”, Çelsi mbetet në bisedime edhe me Milanin për transferimin e sulmuesit Rafael Leao.
Sipas gazetës britanike, blutë po mbështeten në këtë pistë te dëshira e portugezit, i cili preferon një transferim në Premier Ligë.
Milani, nga ana e tij, nuk dëshiron të humbasë një lojtar të rëndësishëm në ditën e fundit të merkatos, edhe pse një ofertë 120 milionë euroshe mund të ishte tunduese.
