Aventura e portierit të Kombëtares shqiptare, Thomas Strakosha, në Angli nuk ka shkuar ashtu siç pritej. Gardiani kuqezi i cili u transferua si lojtarë i lirë te Brentford dhe ende nuk e ka bërë debutimin e tij në Premier Ligë, duke u aktivizuar vetëm në Kupë.
Duket se debutimi i tij në elitën e futbollit anglez do të shtyhet për të paktën deri vitin e ardhshëm. Kjo si pasojë e një dëmtimi që Strakosha ka marrë në stërvitje.
Portieri shqiptar i ka pritur një penallti shokut të tij të skuadrës, Kristofer Ajer dhe duket se në ato momente pësoi një dëmtim në ligamentet e kyçit të këmbës dhe gjendja duket vërtet serioze.
Ende nuk ka asnjë datë zyrtare kur ai mund të kthehet, por sipas parashikimeve, Strakosha mund ta ketë mbyllur 2022 dhe për këtë arsye nuk do të jetë pjesë as e Kombëtares në miqësoret e nëntorit me Arabinë Saudite dhe Italinë.