Empoli-Milan përfundoi me shifrat 1-3 për kuqezinjtë me një fund dramatik, e vlefshme për javën e 8-të të Serisë A italiane.
Serinë e golave e hapi Ante Rebiç në minutën e 79′, më pas barazoi Nedim Bajrami në minutën e 90+2′, dhe më pas realizuan kuqezinjtë e Piolit dy herë me Balo-Ture dhe Rafael Leaon, në minutat 90+3′ dhe 90+6′, duke marrë një fitore mes drithërimash.
Goli që shkëlqeu më shumë në këtë takim ishte i mesfushorit të Kombëtares shqiptare, Nedim Bajrami, i cili shënoi një “perlë” nga goditja e dënimit.
23-vjeçari shqiptar goditi mjeshtërisht në një distancë e konsiderueshme teksa topi përfundoi në anën e portës ku po qëndronte portieri i Milanit, Tatarushanu.
Për fantazistin kuqezi, ky ishte goli i tij i parë sezonal në Serinë A me fanellën e Empolit në 8 ndeshje të zhvilluara.
