PSG-ja ka arritur të fitojë me rezultatin 0-3 në transfertë ndaj Azhasio, ekip ku aktivizohet mesfushori i Kombëtares shqiptare, Qazim Laçi.
Golat për parizienët u realizuan nga një dopietë e Kilië Mbapesë në minutat 24′ dhe 82′ dhe një gol i Lionel Mesit në minutën e 78′.
Ishte pikërisht goli i yllit argjentinas, i cili la me gojë hapur të gjithë sportdashësit që kanë parë këtë aksion kryevepër.
“Tiki-Taka” e mbrëmshme e PSG-së u ka kujtuar shumë fansave në botë Barcelonën e famshme të Pep Guardiolës me këtë super aksion dhe supergol të realizuar.
Një gol që bëri menjëherë xhiron e rrjetit.
Ky ishte goli i tij i 6 në 11 ndeshje në Ligue 1, teksa ka dhuruar edhe 9 asiste për shokët e skuadrës.
Vlen të theksohet se mesfushori i Shqipërisë, Qazim Laçi nuk u aktivizua në këtë duel, pasi është i dëmtuar.