Futboll Sport

ZYRTARE/ Fatale humbja ndaj ekipit ku aktivizohet lojtari i Kombëtares shqiptare, klubi spanjoll shkarkon trajnerin

Fransisko Rodrigez nuk do të jetë më trajner i skuadrës së Elçes!

FRANSISKO RODRIGEZ

Fatale për trajnerin spanjoll ishte humbja 2-1 në frymën e fundit ndaj Rajo Vajekanos, ekip ku aktivizohet edhe mbrojtësi i Kombëtares shqiptare, Ivan Balliu, i cili luajti mbrëmjen e djeshme përgjatë gjithë 90 minutëshit.

Elçe nuk e ka provuar ende shijen e fitores në këtë sezon të La Liga-s, teksa në 7 ndeshje ndodhet në vendin e fundit dhe ka koleksionuar, 1 barazim dhe 6 humbje, me një golavarazh 3-18, duke qenë mbrojtja më e dobët e kampionatit.

 

 

Lajmin e shkarkimit nga detyra e trajnerit të Fransisko Rodrigez, e bëri vetë publik klubi spanjoll me anë të një komunikate në sajtin e saj, duke i uruar suksese në të ardhmen dhe duke e falënderuar për punën e përshkuar.

44-vjeçari mori drejtimin skuadrën e Elçes më 30 nëntor të vitit 2021 dhe që nga atëherë ka zhvilluar 33 ndeshje në të gjitha kompeticionet duke grumbulluar 12 fitore, 4 barazime dhe 17 humbje.

Related posts

A do të jetë Spalletti trajner i Interit? Tekniku befason me përgjigjen e tij

Sadik.Autor

“F**K LIVERPOOL”/ Tifozja e United provokon fansat e “The Reds”, ja çfarë shkruan mbi gjoksin e saj

Delo.autor

E BUJSHME/ Lazio dorëzohet për Strakoshën, për ta zëvendësuar kërkon portierin më të shtrenjtë në botë

Delo.autor

Leave a Comment