Futboll Sport

INTER SHEH MAKTHE NË TORINO/ Juve i nxjerr nga gara për titull, derbi i Italisë “vishet” bardhezi

Juve bën “Zonjën e Vjetër” në derbin e Italisë, thyen pastër 2-0 Inter, praktikisht nxjerr ziklatër nga gara për titull, 11 pikë diferencë me kreun pas 13 javësh janë shumë. Një mbrojtje e hekurt dhe dy kundërsulme perfekte i mjaftuan ekipit të Allegrit për të dalë me pikë të plota nga kjo përballje. Bardhezinjte vijojnë ecurinë pozitive në Serie A, katër fitore radhazi janë shifra që ngrohin ambientin, Juve është ende në kohë të shpëtojë këtë sezon të nisur në mënyrën më të keqe të mundshme. Inter vërteton edhe një herë se problemi i tyre më i madh janë ndeshjet kundër ekipeve të mëdha, mbi të gjitha jashtë “San Siro” ku mbrojtja e tyre mbetet pikat më e dobët.

213806373 Bdd8de60 9fc2 4d2d 8aa3 B9ba79a68f99

Në fakt, në ‘Stadium’ ishin superior në pjesën e parë, iu afruan në më shumë se një herë golit të avantazhit, fillimisht me Dzeko dhe Dumfreis, ndërsa Calhanoglu goditi edhe traversën.

Historia ndryshoi me fillimin e pjesës së dytë, ku Juve me një kundërsulm perfekt të finalizuar nga Rabiot kaloi në avantazh në minutën e 52-të. Pak minuta më pas, “Zonja e Vjetër” gjeti edhe golin e dytë me Danilo, por VAR anuloi gjithçka për prekje të topit me dorë. Për të mbyllur llogaritë me Inter mendoi Fagioli që në minutën e 82-të, me një kundërsulm thuajse fotokopje realizoi golin e dytë për bardhëzinjtë.

Juve

Kjo ishte një mbrëmje ku Juventus kishte më shumë se një arsye për të festuar, morën një trepikësh të madh, pas 301 ditësh në Serie A në fushë u rikthyer edhe Chiesa, ndërsa pas pauzës së Botërorit, me grupin e plotë, Allegri beson se ekipi i tij mund të luftojë për gjëra të rëndësishme, për momentin kreu është ende lart, 10 pikë.

 

 

Related posts

EKUBAN I SJELL FAT EKIPIT/ Futet dhe shënon sërish në Turqi (VIDEO)

Isa.Autor

PARA SUPERSFIDËS/ Valverde: Interi të mos ketë frikë, por nëse do të kishte fituar vetë në Londër…

Isa.Autor

“Flokët e Fellaini-t dhe këmbët e Messi-t” – Talenti 18-vjeçar që po çmend tifozët e Manchester United

Q.Autor

Leave a Comment