Futboll Sport

SENEGALI DHE HOLANDA NDESHEN PËR HERË TË PARË NË BOTËROR/ Tulipanët pa humbje ndaj ekipeve afrikane

Ndeshja e tretë e Botërorit, e dyta për ditën e sotme, do të jetë ajo mes Holandës dhe Senegalit, e vlefshme për Grupin A. Të dyja skuadrat do të kërkojnë maksimumin, për t’u barazuar me Ekuadorin. Holanda dhe Senegali do të përballen për herë të parë në histori me njëra-tjetrën.

Këto dy kombëtare janë kualifikuar për herë të parë të dyja së bashku në një Botëror. “Tulipanët” dështuan të presin biletën në dy Botërorët e tjerë ku afrikanët morën pjesë, 2002 dhe 2018. Tulipanët nuk kanë humbur asnjëherë kundër ekipeve afrikane, kanë 3 fitore dhe 1 barazim.

Është pjesëmarrja e 11-të e Holandës në një Kupë Bote, por e vetmja skuadër që ka dalë tri herë në finale të një Botërori dhe nuk e ka fituar kurrë trofeun. Nga ana tjetër, Senegali nuk do të ketë liderin e skuadrës, Sadio Mane.

Trajneri Luis Van Gaal u shpreh se ishte tifoz i tij dhe i vjen keq që nuk do të jetë, por nga ana tjetër përmend faktin se nuk do të jetë e lehtë, pasi Senegali është kampion i Afrikës. Gjithashtu, numri një i stolit të portokallinjve është i bindur se ka një grup më të mirë se ai i vitit 2014, ku Holanda nën drejtimin e tij zuri vendin e tretë.

Related posts

NDESHJE SPEKTAKOLARE NË “ETIHAD”/ Tottenham mposht Manchester City me përmbysje në frymën e fundit

Delo.autor

Arsenal dhe Liverpool në ‘gjurmët’ e Lemar, vjen vendimi përfundimtar nga Monaco

Q.Autor

As CONTE dhe as ZIDANE/ Pasardhësi i Mou është trajneri që SURPRIZOI NË BOTËROR

Isa.Autor

Leave a Comment