Të etur për sukses, Anglia ëndërron edhe një herë se mund të kthejnë kupën në shtëpi. Ky është një refren që e dëgjojmë çdo dy vite, kjo dhe për faktin se realisht “tre luanët” kanë një grup fantastik.
Prova e madhe për Southgate dhe të besuarit e tij është sfida e mbrëmjes së sotme ku përballen me Francën, kampionët në fuqi. Mediat angleze dhuruan spektakël këtë të shtunë, në vigjilje të kësaj sfidë, ku me titujt e tyre pikantë kanë provokuar jo pak:
“Tani djem, lë të bëjmë një tost francez”, ishte titulli përzgjedhur nga The Sun, shoqëruar me një fetë buke të thekur me imazhin e Harry Kane.
“Grinta, po kthehet në shtëpi”, është titulli i Mirror në faqen e parë. “Ngrihuni dhe bëhuni heronj”. “Po, ju mundeni”, ishin disa nga titujt e përdoruar nga mediat e tjera angleze.
