Mbase duke u rrot ulluar nuk e ka kafshimin e helmuar të një ish-i si Ibra, por ai ishte aq afër Interit disa sezone më parë sa ndihet si një “ish” i vogël. “Zoti më donte te Milani”, ka thënë në më shumë se një rast Olivie Zhiru që sot do të tentojë stërkëmbëshin e radhës ndaj zikaltërve.
Kori “nëse rrotullohet Zhiru”, është i dyti pas “Pioli is on fire”, edhe sepse francezi u rrotullua edhe në derbin e fundit të kampionatit(3-2) dhe e bëri De Vrajin të shtangej edhe një herë. Përpjekja për të mos e lënë të vrapojë këtë herë do të bëhet nga Açerbi, një tjetër “ish” i vërtetë. Për Zhirunë, 7 paraqitje në Kupën e Botës e kanë bërë që të rikthehet pa bateri, të rraskapitur fizikisht dhe mendërisht. Të rikuperosh energjinë në moshën 36- vjeçare nuk është si ta bësh në moshën 20-vjeçare. Milani i fundit e pagoi shtrenjtë edhe ndaj Leçes. Vetë francezi do të kishte nevojë për më shumë pushim, por qëndrimi i gjatë në infermieri i Ibrës, pasiguria e Origit dhe mungesa e De Ketelares e detyruan Piolin të përgatisë ndeshjen me kundërfigurën e Zlatanit dhe Benzemasë. Zhiru nuk ka zhgënjyer deri tani dhe një ndeshje si e sotmja mund të shërbejë për ta karikuar në mënyrë të që vendosë ndeshjet vendimtare siç ka bërë zakonisht në karrierën e tij.
GODITJA E DEMIT – Derbi është një ndeshje emocionesh e Lautaro Martinez është gati të drithërojë popullin e tij. Ai e dëshmoi që në derbin e parë, duke shënuar një gol në 3-2 e 17 marsit 2019. Edhe 3-0 më 21 shkurt 2021, viti për kampionatin e Kontes, u firmos nga “Demi” zikaltër. Brenda kornizave speciale, Lautaro lartësohet. Ndërsa temperatura rritet, gjaku i tij ftohet. Jo rastësisht, goli i vetëm në Champions këtë vit u shënua në katedralen Camp Nou, një mrekulli, si ajo që ngriu Liverpulin në edicionin e kaluar. Tri rastet e gabuara në finalen e Dohës nuk e çmontojnë teorinë. Goli i dytë i Mesit lindi nga një goditje e Toros dhe mbi të gjitha, hyrja e interistit në kohën shtesë i dha një shtysë vendimtare Argjentinës, e cila po shuhej në këmbët e Mbapesë. Sot në 20:00 Lautaro do të ketë përpara Kalulunë, një tjetër francez. Ai me siguri do të sulmojë Tatarushanunë, i cili i priti një penallti në derbi. Një situatë e bezdisshme e mbjellë në kujtesë, e cila do ta shtyjë Demin të hungërijë edhe më fort zemëratën në kërkim të një goli në Superkupë.
