IPas një jave pritjeje mediatike dhe kurioziteti, Cristiano Ronaldo, ka zbarkuar sonte në aeroportin ndërkombëtar “King Khaled” në Riad nga Madridi, teksa nesër do të prezantohet zyrtarisht përpara tifozëve.
I gjithë qyteti i Riad është mbushur me reklama ku shfaqet Ronaldo me fanellën e Al Nassr. Stadiumi do të jetë i mbushur me 30 mijë tifozë, teksa klubi saudit ka shkuar ne 7 milionë ndjekës nga 800 mije që ishte para se te njoftonte blerjen e Ronaldos.
Ronaldo do të fitojë rreth 200 milionë euro në sezon bashkë me sponsorizime dhe në total mund të shkojë në 1 miliardë euro duke qenë edhe ambasador për organizmin e Botërorit në Arabinë Saudite. CR7 ka zbarkuar në aeroport i shoqëruar nga e gjithë familja, Xheorxhina dhe fëmijët.