Futboll Sport

SHTATË NDËRHYRJE TË SAKTA NDAJ MILANIT/ Mediat italiane i thurin elozhe Hysajt

Pas Sasuolos dhe Bolonjës, Elseid Hysaj u jep vazhdimësi paraqitjeve të tij. Shtatë ndërhyrje të sakta dhe 88 për qind të pasimeve të suksesshme japin idenë e provës së shqiptarit kundër Milanit.

Edhe penalltia e golit të tretë që i dha sigurinë Lacios erdhi pikërisht nga një lexim i bukur i manovrës së Milanit nga kapiteni i Shqipërisë. Për këto arsye, mediat italiane e vlerësuan më shumë se pozitivisht provën e Hysajt kundër kampionëve të Italisë.

Ai mori notën 6.5 nga “Corriere dello Sport” që shkruante: “Bën ligjin në korsi dhe detyron rivalët direkt të bëjë mbrojtëset për shumicën e kohës. Shpëton një gol në vijë fatale dhe dhuron një gjysmë asist. Vështirë t’i kërkohet më shumë”.

Elozhet për shqiptarin edhe nga “Sportmediaset”. Një tjetër 6.5 nën motivimin: “Vrapon pa fund dhe dhuron mbështetje konstante në të dyja fazat. Nëse vazhdon me këtë formë Laxari duhet të vazhdojë të qëndrojë në stol”.

Related posts

E pabesueshme në Madrid: Juventusi përmbys Realin (VIDEO)

Sadik.Autor

SONDAZHI NË ITALI/ As Giroud dhe askënd tjetër, tifozët e Juventus duan rikthimin e sulmuesit…

Delo.autor

Milani interesohet për yllin e Kombëtares gjermane (FOTO)

Q.Autor

Leave a Comment