Cila është e ardhmja e Carlo Ancelottit? Kjo është një pyetje që mediat e kanë bërë shpesh këtë periudhë, por për t’i dhënë një përgjigje ka menduar vetë tekniku italian, në konferencë për shtyp përpara derbit kundër Atletico Madrid:
“Mendoj se do të vijojë të jem trajneri i Real Madrid. Jam shumë i qetë, kam një kontratë(i skadon verën e 2024) e vetmja gjë që mendoj është si të fitoj ndeshjet”, u shpreh Ancelotti.
Këtë periudhë emri i Ancelottit është lidhur shumë me një kalim te përfaqësuesja e Brazilit në fund të sezonit, por me sa duket Ancelotti dëshiron të qëndrojë në krye të Realit, të paktën edhe për një tjetër vit. Më herët, tekniku italian ka theksuar se pasi të përfundojë aventurën me Real Madrid do të dalë në pension.
