Jo vetëm ky gjest, në mediat po flitet shumë këtë periudhë për të ardhmen e tij në krye të Romës. Në dhjetor, Mou refuzoi stolin e dy përfaqësueseve të mëdha, Portugalisë dhe Brazilit, por për të pritet të diskutohet shumë edhe në fund të këtij sezoni. Mou nuk është i qartë nëse do të vijojë të respektojë kontratën e tij me Romën deri në 2024 pasi për të interesohen klube të mëdha si Chelsea, Real Madrid, PSG dhe Inter. Nëse Mourinho vendos të largohet, mediat italiane shkruajnë se Roberto De Zerbi mund të jetë pasuesi i tij në kryeqytet.
