E gjithë vëmendja sonte do të jetë e fokusuar te ndeshja e parë kualifikuese (Euro 2024) e Shqipërisë. Kuqezinjtë e drejtuar nga Silvinjo do të masin forcat me Poloninë, në PGE Narodowy Stadium.
Teksa jemi pak orë para fillimit të ndeshjes, tifozët shqiptarë që do ndjekin ndeshjen nga afër kanë mbërritur në Varshavë. Lojtari i 12-të duket se ka sjellë një atmosferë pozitive, ku nuk mungojnë këngët dhe flamujt kuq dhe zi.
Nëse djemtë tanë do bëjnë ndeshjen e tyrë në fushë, tifozët premtojnë se do bëjnë maksimumin për të mbështetur skuadrën nga shkallët e stadiumit. Shqipëria synon që të marrë një rezultat pozitiv, për të kërkuar më pas një biletë që të dërgon në Euro 2024.
