Të gjithë kanë nisur aludimet se kush do të jetë pasuesi i tij në krye të bluve, në një kohë kur londinezët janë ende në garë në Champions, përballen me Real Madrid në fazën çerekfinale.
Për momentin Julian Nagelsmann shihet si favoriti kryesor, por nuk është i vetmi pasi së fundmi një emër surprizë është edhe ai i Olvier Glasner i Frankfurt. Ndryshe nga mediat britanike, sipas Sport Bild, dy opsione për pankinën e Chelsea janë edhe Luis Enrique dhe Mauricio Pochettino.
Të dy trajnerët janë të papunë prej kohësh, në pritje të ofertës së duhur. Me interes e pret këtë vendim edhe Armando Broja, e ardhmja e të cilit do të jetë e lidhur ngushtë me trajnerin e ri.
