Mediat e huaja, kryesisht ata spanjolle, vijojnë t’i bëjnë jehonë sulmuesit të Kombëtares shqiptare, Myrto Uzuni. Bomberi i Granada-s është golashënuesi më i mirë në Kategorinë e Dytë Spanjolle dhe ka shifrat e më të mëdhenjve në Evropë.
Së fundmi, “Estadio Deportivo” ka nxjerrë disa të dhëna që e bëjnë Uzunin të jetë mbi yjet e futbollit botëror. Në fakt, futbollistin shqiptar e kalon vetëm Erling Haaland i Manchester Cityt dhe Jonathan David i Lille në dopietat dhe tripletat.
Këtë sezon, bomberi kuqezi ka arritur të arrijë katër dopieta dhe një hat-trick. Ai është vetëm një dopietë prapa David dhe Haaland, por ky i fundit ka shënuar 4 tripleta.
Në këtë mënyrë, Uzuni është lojtari i tretë me më shumë dopieta dhe tripleta në pesë ligat kryesore evropiane, duke kaluar yje si Mbappe, Benzema, Leëandoëski, Osimhen, Messi dhe Neymar. Legjenda e Granadës dhe e futbollit spanjoll, Álex Honrubia, në revistën Panenka, u shpreh për Uzunin:
Është një nga ata sulmues që nuk kërkon leje. Hyn dhe ndez një cigare në mes të lokalit pa përshëndetur. Thjesht qëllon”. Pra, Uzuni ka rrëmbyer zemrat e të gjithëve me 19 golat e tij deri më tani. Dhe Klauzola prej 12 milionë eurosh, do të rritet në 25 milionë euro në rast se Granada ngjitet në La Liga.
