Vora i ka dhënë leksion Kukësit në takimin e javës së 13 që u mbyll këtë të hënë. Verilindorët u mposhtë në shtëpi me rezultatin 0-4, teksa u shënuan dy gola për secilën pjesë. Aneni dhe Tabaku realizuan në fraksionin e parë, ndërsa në të dytën rezultatin përfundimtar e vulosi Ruzgis. Kjo fitore e mban Vorën në vendin e tretë, por e barazon me pikë me Besën e Kavës që renditet e dyta. Me vetëm 1 pikë më shumë udhëheq Kategorinë e Parë Flamurtari.
Sfida tjetër e ditës së hënë mes Pogradecit dhe Lushnjës u mbyll me shifrat 1-0. Golin e vetëm të takimin e realizoi Kazem në pjesën e parë. Një humbje që u përjetua si dramë te Lushnja, pasi në minutën e 97 gaboi një penallti që mund të kishte ndarë pikët.
Pas javës së 13 i fundit renditet Erzeni me vetëm 2 pikë, ndërsa Valbona e vendit të 11 ka 9 pikë. Të dy skuadra bien direkt një kategori më poshtë nëse kampionati mbyllej sot, ndërsa në zonën e rrezikut ndodhen edhe Korabi me Kukësin.
