Serie A e futbollit vijon këtë të diel me katër ndeshjet e radhës të vlefshme për raundin e 11-të. Gjithçka nisi në 12:30 me humbjen 0-3 të Napolit në shtëpi kundër Atalantës. Në 18:00 luhet Verona – Roma dhe gjithçka mbyllet në “Meazza” ku Inter pret në mbrëmje Venezian.
Në “Maradona” kryesuesit e Napolit humbën për herë të dytë këtë sezon. Ishte Atalanta me Gjimshitin në fushë që fitoi 0-3 duke kthyer djemtë e Contes me “këmbë në tokë”. “Simfonia” De Ketelaere – Lookman funksionoi në minutat 10 dhe 31, për dopietën e sulmuesit Lookman. Në fundin e sfidës ishte Retegui që shënoi edhe golin e tretë. Paçka humbjes Napoli qëndron në krye, ndërsa me 22 pikë bergamaskët ngjiten për momentin në pozitën e dytë. Nota 7.8 për Berat Gjimshitin që ishte ndër lojtarët më të mirë në fushën e lojës.
Serie A, raundi 11-të:
E diel, 03 nëntor 2024
12:30 Napoli 0-3 Atalanta
15:00 Torino – Fiorentina
18:00 Verona – Roma
20:45 Inter – Venezia
