AF Elbasani ka njoftuar largimin e Bruno Telushit nga ekipi. Pas një viti e gjysmë mesfushori vlonjat nuk është më pjesë e verdhebluve, me palët që kanë zgjidhur kontratën në mënyrë konsensuale.
“AF Elbasani njofton mbylljen e bashkëpunimit me futbollistin Bruno Telushi. Marrëveshja është zgjidhur nga të dyja palët kështu duke mbyllur një kapitull të suksesshëm midis ekipit verdheblu dhe Telushit. Familja verdheblu e falenderon për kontributin e dhënë dhe i uron suksese në të ardhmen”, njofton klubi.
34-vjeçari u bashkua me AF Elbasanin në gushtin e 2023 dhe ishte pikë fikse për ngjitjen e ekipit në Superligë. Këtë sezon ai ka luajtur vetëm shtatë takime duke dhënë një asist.
