Luciano Vera është blerja më e re e skuadrës së Tiranës. Mbrojtësi argjentinas është 22 vjeç dhe luan në krahun e djathtë.
“Luciano Vera është lojtari më i ri që shtohet në radhët e bardhebluve. Mbrojtësi i djathtë pas kryerjes së analizave ka hedhur firmën që e bën pjesë të klubit. 22 vjeçari është transferuar nga klubi ETO FC Győr i Hungarisë dhe është vënë menjëherë nën urdhrat e trajnerit Shkëmbi’’, bën me dije Tirana.
I dalë nga River Plate, ai luajti më pas për Dunajska Streda dhe së fundmi në Hungari me ETO FC Gyor. E çuditshme që bardheblutë afrojnë emra ‘anonim’ dhe të panjohur me futbollin vendas, teksa nuk i japin mundësi djemve të akademisë.
