Mesfushori i Anglisë, Morgan Roxhers, zbuloi emocionet e të luajturit për komëbtaren e Anglisë nën drejtimin e Tomas Tuhelit.
“Gjërat kanë shkuar kaq mirë deri tani. Mënyra se si ai flet me ty dhe ndërvepron është shumë e bukur. Situata është shumë e relaksuar, mund të jesh vetvetja rreth tij. Por kur është koha për të punuar, është koha për të punuar.
Neve na është dashur të marrim shumë informacion këtë javë për idetë e tij se si ai dëshiron që ne të luajmë dhe strukturën e ekipit. Mendoj se kemi bërë shumë mirë nga ndeshja e parë në ndeshjen e dytë.
Ne duhet të vazhdojmë të ndërtojmë dhe të vazhdojmë të shtyjmë”, tha ylli i Aston Vilës.
