Andrija Delibasic nuk ia doli të fitonte betejën më të rëndësishme në jetë, duke mbyllur sytë në moshën 43-vjeçare. Ish-sulmuesi nga Mali i Zi prej vitesh vuante nga tumori në tru dhe këtë të mërkurë ndërroi jetë në vendlindje.
Delibasic ka zhvilluar një karrierë të pasur në Spanjë, teksa ka mbajtur veshur fanellat e Mallorcas, Rayo Vallecanos, Real Sociedadit, ndër të tjera, si dhe Partizanit të Beogradit, AEK-ut, Benficas, Bragas dhe kombëtares malazeze me të cilën shënoi 6 gola në 21 paraqitje.
Përpara se të zbulonte sëmundjen, Delibasic ishte fokusuar në karrierën si trajner, duke e braktisur për t’u përballur me sëmundjen.
