Ndërron jetë Mentor Sopjani, ish-arbitri i njohur dhe vëzhgues i Federatës Shqiptare të Futbollit. 54-vjeçari nuk ia doli dot që të fitojë betejën me sëmundjen e rëndë që e kishte prekur prej kohësh.
Lajmi u bë i ditur nga ish-arbitri Sokol Çekaj në rrjetet e tij sociale.
“Një lajm i hidhur për komunitetin tonë të arbitrimit, një nga miqtë dhe shokët, u nda jeta në moshë të re.Ngushëllime familjes e të afërmeve të Mentor Sopjanit. Zoti të pastë në parajsë miku ynë”, shkruan Çekaj.Sopjani do të mbahet mend për kontributin e madh të dhënë, në futbollin shqiptar.
