Kristjan Asllani, në ndeshjen e dytë të Interit në Botërorin e klubeve, luajti sërish titullar, duke marrë besimin e trajnerit Chivu. Megjithatë referuar notave të mediave italianë, mesfushori shqiptar, ka qenë ndër më të dobëtit në fushë. Sportmediaset e ka vlerësuar Asllanin me notën 5, po aq sa edhe Di Marco-n, për të cilët thuhet se ishin nën pritshmëri.
Në përshkrimin për Asllanin thuhet se edhe pse ka bërë 66 ndeshje me Interin, sërish nuk ka ardhur hapi cilësor që pritet. Emri Asllanit ndërkohë përmendet shumë në merkato, pasi ka gjasa të mëdha të largohet nga zikaltërit.
