Diego Longo është zyrtarizuar si trajneri i ri i Dila Gorit. Trajneri italian ka surprizuar me zgjedhjen e tij duke u zhvendosur për herë të parë në Gjeorgji.
Longo u njoh në Shqipëri me eksperiencat te Teuta, Flamurtari dhe Kukësi. Nga viti 2021 deri në shtatorin e vitit 2023 qëndroi aktiv në futbollin shqiptar.
49-vjeçari provoi më pas aventurat në Rumani dhe Itali. Dila Gori e ka prezantuar si specialist italian, ndërsa ka zyrtarizuar afrimin e tij.
