Edon Zhegrova mund të largohet nga Lille në këtë periudhë merkatoje. Vetë sulmuesi dardan dëshiron diçka të tillë, teksa ai madje së fundmi, nuk u ftua nga trajneri Genesio për kampin stërvitor.
Në skenë ka dalë skuadra e Marseille, me klubin francez që është i interesuar për të nënshkruar me Zhegrovën.
Eksperti i merkatos, Fabrizio Romano shkruan se bisedimet janë në fazë fillestare, ndërsa për të reja të tjera do duhet kohë.
Marseille mbetet pistë konkrete, një alternativë që po merret në konsideratë nga Zhegrova.
26-vjeçari luan te Lille prej vitit 2022, periudhë në të cilën vinte nga Basel.
