Është hedhur këtë të enjte në Zyrih të Zvicrës shorti i “play-off”-it të Botërorit 2026, ku Shqipëria ka mësuar kundërshtarin e saj.
Kombëtarja kuqezi do të ndeshet me Poloninë në një sfidë vendimtare për ëndrrën e kualifikimit në Kupën e Botës.
Ky takim do të luhet më 26 mars 2026.
Kjo është herën e parë në histori që Shqipëria merr pjesë në fazën “play-off” të një Kampionati Botëror, duke shënuar një arritje të madhe për futbollin shqiptar. Kuqezinjtë do të kërkojnë të bëjnë të pamundurën për të siguruar një vend në fazën e grupeve.
Në rast kualifikimi, në finalen e play-off luajmë ndaj fitueses së çiftit Ukrainë-Suedi.
Botërori i vitit 2026 do të zhvillohet në SHBA, Meksikë dhe Kanada.
