Bomberi shqiptar i Kosovës, Vedat Muriqi po zhvillon një sezon të jashtëzakonshëm me Majorkën, duke u shndërruar në një armë të vërtetë në lojën ajrore.
Ai është aktualisht golashënuesi më i mirë me kokë në pesë kampionatet më të forta të Europës këtë sezon. Me gjashtë gola të realizuar me kokë, ai ka vendosur një rekord personal si dhe në raport klubesh në La Liga.
Muriqi është gjithashtu lojtari i parë i Majorkës që shënon gjashtë gola me kokë në një edicion të vetëm që nga Pierre Uebo në sezonin 2010/11. Fuqia fizike, pozicionimi dhe instinkti i tij para portës e kanë kthyer në një “arterie” të mirëfilltë për skuadrën ishullore.
Këtë edicion, Muriqi po kalon sezonin më të mirë të karrierës, për të qenë golashënuesi i dytë më mirë në La Liga me 16 gola, shtatë më pak se ylli i Real Madridit, Kilian Mbape.
