Amar Asani është ftuar nga trajneri Alban Bushi në Kombëtaren U-21. Klubi i Treleborg në kategorinë e tretë suedeze ka zyrtarizuar ftesën për mesfushorin.
19-vjeçari ka lindur në Suedi dhe për të është ftesa e parë. Klubi i Treleborg po ashtu ka zyrtarizuar para FSHF-së, që Shqipëria U-21 do të luajë miqësoren e dytë me Uzbekistanin U-21 pas sfidës me Japoninë U-21.
“Amar Asani është thirrur për përfaqësuesen kombëtare U-21. Mesfushori Amar Asani është ftuar në ekipin kombëtar U-21 të Shqipërisë, i cili do të përballet me Japoninë dhe Uzbekistanin në ndeshje miqësore në fund të marsit. Urime Amar”, shkruajnë suedezët.
