Prezantimi nuk ka shkuar edhe aq mirë. AC Milan ditën e sotme ka prezantuar fanellat e reja jashtë fushe. Ato janë veshur nga Giacomo Bonaventura, Leonardo Bonucci, Davide Calabria dhe Hakan Calhanoglu.
Emri i ish-lojtarit të Bundesliga-s ama ishte shkruar krejt gabim. Mbi numër ishte emri “Chalanoglu”. “H-ja” ka ngatërruar vendin. Tani OK, nuk është edhe aq e thjeshtë të shkruash emrin e fantazistit turk. Por në prezantimin zyrtar? Kjo është pak e turpshme.
Gjithsesi ato fanella nuk do të dalin në shitje. Deri në startin e Serie A, Milan ka kohë të korrigjojë gabimin.
